Bagadus maid Sámediggi lea ráhkadan ovttas Politiijadirektoráhtain

Bálvalusat mat sáhttet addit rávvagiid, bagadeami ja dieđuid

Politiijain váldit oktavuođa ii leat áidna vuohki mot reageret sámecielaheami vuostá. Muhtun eará bálvalusat sáhttet veahkehit.
Bilde som viser en samisk mann og kvinne i tradisjonelle kofter. De holder rundt hverandre med Ishavskatedralen og fjellene i Tromsø i bakgrunnen. Kvinnen lener hodet mot mannens skulder.

Ságastallanfálaldat

Sámecielaheapmi bávččagahttá. Dát sáhttá dagahit lossamiela ja garra balu, oađđinváttisvuođaid ja konsentrašuvdnaváttisvuođaid. Jus leat vásihan sámecielaheami, de lea dehálaš don it okto vácce dainna. Don sáhtát hupmat bearrašiin ja olbmáiguin, dahje sáhtát geavahišgoahtit ságastallanfálaldaga. 

Mánát ja nuorat geain leat váttes jurdagat dahje dovddut ja geat dárbbašit soapmásiin ságastallat, sáhttet váldit oktavuođa SÁNAG:in, Sámi Klinihkain. 

Kors på halsen lea dakkár báiki gosa buohkat geat leat vuollel 18 jagi sáhttet riŋget, sáddet e-poastta dahje mainna sáhttet čáttet ja hupmat dan birra mii dus lea váimmus, ovdamearkka dihte jus don leat vásihan sámecielaheami. Bálvalus lea áibbas anonyma. 

Áittardeaddji

Gávdnojit máŋga áittardeaddji geat sáhttet veahkehit du go vásihat sámecielaheami. Áittardeaddji lea stáhtalaš etáhtta mii galgá veahkehit ovddideame dihto deasttaid ja beroštumiid servodagas, ja mii lea iešráđálaš eará hálddašeamis muđui.   

Áittardeaddjit leat iešráđálaš resursaolbmot geat galget fuolahit mánáidgárddi ja vuođđoskuvlla mánáid ja nuoraid, ja joatkkaoahpahusa ohppiid ja fidnoohppiid vuoigatvuođaid. Sii sáhttet veahkehit du jus vásihat sámecielaheami, muhto maiddái veahkehit eastadeaddji bargguin.  

Dásseárvo- ja vealahanáittardeaddji addá nuvttá bagadallama buohkaide geain leat gažaldagat vealaheami dahje loavkašuhttima birra. Jus háliidat, de sáhtát leat anonyma go válddát singuin oktavuođa. Sii sáhttet maiddái bagadallat mot sáhtát váidit Vealahanlávdegoddái. Om du ønsker det, kan du være anonym når du kontakter dem. De kan også gi veiledning om hvordan du kan klage til Diskrimineringsnemnda.

Váidinásahusat

Stáhtahálddašeaddji ovddasta stáhta fylkkas, ja dan ovddasvástádus lea čuovvulit Stuoradikki ja ráđđehusa mearrádusaid, áigumušaid ja njuolggadusaid. Buot mánáin lea riekti oadjebas ja buori skuvlabirrasii loavkidemiid ja givssidemiid haga, dát siskkilda maid sámecielaheami. Jus leat oahppi geas ii leat oadjebas ja buorre dilli skuvllas, de skuvla galgá veahkehit. Jus oaivvildat skuvla ii bargga doarvái veahkehit du, de sáhtát váldit oktavuođa Stáhtahálddašeddjiin.

Vealahanlávdegoddi lea neutrála ja iešráđđejeaddji orgána mii meannuda áššiid mat váidojit sidjiide vealaheami, seksuála loavkidemiid ja mávssahemiid dáfus. Vealahanlávdegoddi lea molssaeaktu duopmostullui ja meannuda áššiid nuvttá. 

Eará bagadallanbálvalusat

Leat go dus gažaldagat váidima birra ja dárbbašat hupmat muhtun olbmuin? Oaččo veahki ja bagadallama kriminalitehtagillájeddjiid doarjjaguovddážis.

Trøndelága, Nordlándda, Romssa ja Finnmárkku politiijaguovllut gokčet fylkkaid ja suohkaniid mat gullet sámegielaid hálddašanguvlui. Finnmárkku doarjjaguovddážis lea davvisámegielgelbbolašvuohta.

Oktavuođadieđuid doarjjaguovddážiidda gávnnat dás

Ung rettshjelp gir gratis rettshjelp til barn og unge under 25 år. Deres mål er å bidra til at flere barn og unge får sine grunnleggende rettigheter oppfylt. De kan gi juridisk bistand innen de fleste rettsområder, inkludert samehets. 

Slettmeg.no lea nuvttá rávven- ja bagadallanbálvalus mii sáhttá du veahkehit sihkkumis dieđuid du birra ja govaid/videoid dus mat leat biddjon nehttii. 

Bagadus man lea ráhkadan Dásseárvoguovddáš KUN, OMOD ja Egalia mas leat dieđut vuoigatvuođaid birra mat leat ja geainna váldit oktavuođa jus lea gillán dahje oaidnán ja gullan rasismma ja vealaheami etnisitehta, oskkoldaga ja/dahje eallinoainnu geažil. 

da_SADavvisámegillii
Hopp rett ned til innholdet