Bagadus maid Sámediggi lea ráhkadan ovttas Politiijadirektoráhtain

Min birra

Sáhttá leat gáibidahkes diehtit makkár vuoigatvuođat ja vejolašvuođat leat go sámecielaheapmi deaivida.

Dán neahttasiiddu lea Sámediggi ráhkadan, ovtta Politiijadirektoráhtain. Siiddu ulbmil lea bagadit mot sáhttá raporteret ja váidit sámecielaheami birra.

Illustrasjon av en samisk kvinne som ser betenkt og alvorlig ut. Kvinnen har samiske plagg og bære håndveske.

Sámedikki birra

Sámediggi lea sámi álbmoga álbmotválljejuvvon parlameanta Norggas ja lea iešheanalis álbmotválljejuvvon orgána. Sámiid álbmotválljejuvvon orgánan Norggas lea Sámedikki mihttomearri bargat dohkkehusa oažžut sámiid vuođđovuoigatvuođaide vuođđun fuolahit ja nannet sámi kultuvrra, giela ja servodateallima ja iešguđet sámi árbevieruid eksisteanssa.

Sámediggi galgá nannet sámiid politihkalaš sajádaga ja ovddidit sámiid beroštumiid Norggas ja váikkuhit ahte sámi álbmot oažžu seammaárvosaš ja vuoiggalaš meannudeami.

Politiijadirektoráhta birra

Politiijadirektoráhtta (POD) lea politiija bajimuš jođihangoddi. POD lea Justiisa- ja gearggusvuođadepartemeantta vuollásaš. Politiijadirektoráhta váldobargu lea fágalaš jođiheapmi, stivren, čuovvuleapmi ja politiijaguovlluid ovddideapmi. Dása gullá nai váikkuhit ahte politiijaguovlluin lea gelbbolašvuohta mii dárbbašuvvo gos leat oktavuođas ássiiguin.   

Politiijadirektoráhta lea ráhkadan sierra doaibmaplána Máŋggabealatvuohta, gulahallan ja luohttámuš: Politiija barggu doaibmaplána (2022 - 2025) mii čalmmusta dehálašvuođa das ahte politiijain lea gelbbolašvuohta máŋggabealatvuođas, nugo sámi gielas, kultuvrras, historjjás ja sámiid vuoigatvuođain. 

Gažaldagat dahje kommentárat neahttasiidui?

Sádde midjiide e-boastta: [email protected]

Jurddaš dán birra ovdal go sáddet e-boastta:

  • Buot áššedokumeanttat maid Sámediggi oažžu ja ieš sádde leat almmolaččat, nu guhká go dain eai leat dieđut mat eai leat almmolaččat jávohisgeatnegasvuođa dihte.
  • Muitte ahte it ábut čállit sensitiiva persondieđuid e-bostii. Dáid fertet sáddet boasttas.
  • Buot áššedokumeanttat bohtet boastalistui. Boastalistu lea almmolaš ja gávdno neahtas. Geahča boastalisttu.
  • Fuomáš dan ahte du reive sáhttá namuhuvvot dahje siterejuvvot mediain.
  • Loga eanet Sámedikki ášše- ja dokumeantageahčadeami birra.
da_SADavvisámegillii
Hopp rett ned til innholdet