Mijá birra
Ij la agev buorre diehtet makkir rievtesvuoda ja vejulasjvuoda dujna li sámenálsodime hárráj.
Sámedigge l dáv næhttabielev Politijjadirektoráhta siegen dahkam. Biele ulmme l bagádit gåktu máhttá sámenálsodimev rapportierit ja politijjajda diededit.

Sámedikke birra
Sámedigge la sáme álmmuga álmmukválljidum parlamænnta Vuonan ja la iesjrádálasj álmmukválljidum orgádna. Sámij álmmukválljidum orgádnan Vuonan la Sámedikke ulmme barggat vaj dåhkkiduvvi sámij rievtesvuodaj vuodon jut bærrájgåhtset ja nannit sáme kultuvrav, gielav ja sebrudahkaiellemav ja bisodit iesjguhtik sáme árbbedábijt.
Sámedigge galggá sámij politihkalasj dilev nannit ja åvdedit sámij berustimijt Vuonan, duodden vájkkudit jut sáme álmmuk oadtju dássásasj ja rievtugis giehtadallamav.
Politijjadirektoráhta birra
Politijjadirektoráhtta (POD) la politijja alemus jådediddje. POD la vas Justijssa- ja gergasvuodadepartementa vuolen. Politijjadirektoráhta ájnnasamos barggo l politijjaguovlojt fágalattjat jådedit, stivrrit, tjuovvolit ja åvddånahttet. Dási gullu aj doarjjot váj politijjaguovlojn la dárbulasj máhtudahka viesádij dárboj hárráj.
Politijjadirektoráhtta l sierra doajmmaplánav dahkam: Mangfold, dialog og tillit: Handlingsplan for politiets arbeid (2022 – 2025) mij dættot man ájnas la politijjan li máhtudagá moattebelakvuoda birra, dan vuolen sámegiela, kultuvrra, histåvrrå ja sámij rievtesvuoda.
Gatjálvisá jali kommentára næhttabælláj?
Válde aktijvuodav Sámedikkijn e-påsta baktu: [email protected]
Mujte val dáv åvddål e-påstav sáddi:
- Divna ássjedokumenta Sámediggáj ja -dikkes li almulattja, nav guhkev gå dajn ælla diedo ma li sjávodisvuodavælgo vuolen.
- Mujte val e-påstan i galga hielles persåvnnådiedojt tjállet. Dajt hæhttu påsta baktu sáddit.
- Divna ássjepoassta boahtá poasstalisstaj. Poasstalissta l almulasj ja gávnnu internehtan. Maná poasstalisstaj
- Galga val diehtet medijá máhtti duv girje birra tjállet jali dav sitierit.
- Lågå ienebut Sámedikke dokumentaj bessama birra.