Bagádus Sámedikkes mav lip Politijjadirektoráhta siegen dahkam

Sámenálsodibme bargon

Vájvve l gå bargon la sámenálsodibme. Ihkap li kundera, aktisasjbarggoguojme jali barggoguojme gudi bahojdi, sámijt suohttasin adni, jali ihkap sjatta sáme vidjurij åvdås vásstedit ma li sáhkan mediján.
Illustrasjon av en samisk kvinne som ser betenkt og alvorlig ut. Kvinnen har samiske plagg og bære håndveske.

Barggosajen ij la loahpe nálsodit

Juohkkahattjan la riektá jasska barggobirrasij nálsodime dagi. Dasi aj sámenálsodibme gullu. Barggosajen ij la loahpe nálsodit, dav mierret barggobirásláhka ja dássádus- ja nuppástimláhka. Jus la alvos sámenálsodibme, duola dagu vassjesága, de máhttá dat aj liehket stráffudahtte.  Lågå ienebut mij nálsodibme ja vassjesága li..

Barggovadde galggá nálsodimev hieredit ja ganugahttet. Dát vælggogisvuohta guosská sihke barggosajen ja dáhpádusájn majt barggovadde ásat, duola dagu javllabievde, barggomano ja seminára. Lågå ienebut barggovadde åvdåsvásstádusáj birra dán tjállagin Dássádus- ja nuppástimoahttses.

Jus sámenálsodimev bargon váseda, de i bierri aktu vásádusáv guoddet. Ållu dábálasj la suhttat, soarjjit jali hæssot. Dát álu dáhpáduvvá aj dalloj gå nágin ietjes nálsoduvvá jali sáme åbbålattjat. Lisj dávk vuogas soabmásijn giehttot, ja viehkev ánodit váj nálsodibme hæjttá.

Bildet viser en faglig diskusjon, med en samisk mannlig person som snakker med en norsk person.

Oajvvadusá majt máhtá dahkat

Tjoahkki diedojt

Tjállela mij dáhpáduváj, nav jåhtelit gå vejulasj. Jus dujna li gåvå, e-påsta, SMS:a jali vihtana gudi dav máhtti duodastit, de lisj dávk vuogas dáv diedov tjoahkkit. 

Árvustalá galga gus vásstedit

Sámenálsodibmáj máhttá liehket låssåt vásstedit, ja ij la navti jut HÆHTTU vásstedit. Ale val dagá juojddá mij dunji jali iehtjádijda l várálasj. Dála li nágin oajvvadusá, jus sidá vásstedit: 

  • Diededa sámenálsodibme ij dåhkkiduvá.
  • Ale vássteda persåvnnåládamijn, nálsodimijn jali nihtodimij. Liege ássjálasj ja vuoseda fáktájda. 
  • Boarkki ságastallamav jus duv mielas nálsodibme joarkká jali dille værrán.

Diededa barggovaddáj

Besa barggovaddáj diededit mij la dáhpáduvvam. Dav i dárbaha aktu dahkat, ájnat máhtá viehkev ánodit nágin luohtádusulmutjis, suodjalimoahttses jali soabmásis barggosajen gesi luohteda. 

Barggovadde galggá nálsodimev hieredit ja ganugahttet. Dasi gullu aj galggi nálsodime diedádusájt vuohkasit giehtadallat. 

Bajeda ássjev fáhkasiebrijn/viehkediddjijn

Ihkap la dunji viehkken jus soames ietjes barggosajen duv doarjju jus ietjat barggovaddáj galga sámenálsodime birra subtsastit. Jus la fáhkasiebre sebrulasj, de máhtá ietjat luohtádusulmutjijn guládallat. Besa aj suodjalimoahttsijn guládallat, jus duv barggosajen la soames. Dåhkki aj Barggobirásnammadusás viehkev ánodit. Jus ij la aktan bargon gesi luohteda jali gæssta máhtá viehkev ánodit, de gávnnuji moaddása gudi máhtti nåvkå juridihkalasj viehkev fállat. Dássádus- ja nuppástimoahtse lunna gávna gudi dákkir dievnastusájt fálli.  

Bildet viser en samisk kvinne sett fra siden, som sitter på en kafé i dialog over en kaffe.

Guládalá Dássádus- ja nuppástimoahttsijn

Dássádus- ja nuppástimoahttse fállá nåvkå rádijt ja bagádusájt. Sij máhtti dunji gulldalit, diededit makkir rievtesvuoda dujna li, ja oajvvadit majt dálla galga dahkat. Dáppe besa sijájn guládallat.

Ságasta náginijn gesi luohteda

Det er viktig at du ikke bærer på vonde følelser alene, og det kan være lurt å snakke med noen du stoler på. Det kan for eksempel være et familiemedlem, en venn, noen på jobb eller skole. Det finnes også flere tjenester som kan gi råd og veiledning. Lågå ienebut duon dán fálaldagá birra dáppe

Jus sidá ienep oajvvadusájt, gehtja rasismeveileder.no

Jáhká gus sámenálsodibme lij stráffudahtte? Guládalá politijjajn

Jus jáhká nálsodibme l stráffudahtte, de bierri dav politijjajda diededit. Dåhkki aj politijjajda tsuojggistit jus li stráffudahtte vidjura. Lågå ienebut mij diededibme l, ja sieradus diededime ja tsuojggidime gaskan.

ju_SAJulevsámegiellaj
Hopp rett ned til innholdet