Majt merkaj politijjajda diededit?
Jus juojddá politijjajda diededa de dat merkaj politijjajda giehto majt la vásedam jali gierddam. Diededime milta politijja árvustallá le gus dáhpáduvvam juojddá mij lágav mæddá ja jus ássjev galggi åtsådit.
Juohkkahasj bæssá sámenálsodimev diededit, vájku dal iesj littja dav gierddam jali vihtanam. Åbbålasj javllamusá sámij birra álmmugij máhtti aj liehket sámenálsodibme. Dat ij dárbaha liehket vissa ulmutja jali ulmutjij vuosstij.
Politijja bessi aj ietja sámenálsodimev diededit jus dan birra gulli.
Manen politijjajda diededit?
Vassjekriminalitiehtta l loabedis. Dat bæjsstá sihke ájnegisá åvdås guhti dav váset, ja sebrudagá åvdås. Sámenálsodimev diededit merkaj gássjelisvuodav duodaj válldá, ja dat la ájnas dav gádodittjat. Jus diedet de ihkap sån guhti l dav dahkam hæhttu dan åvdås vásstedit. Máhttá aj viehkken váj oadtjop diehtet man edna sámenálsodibme sebrudagán le.
Gåktu politijjajda diededit?
Jus ájgo sámenálsodimev diededit de hæhttu iesj politijja lusi mannat. Gånnå duv lagámus politistasjåvnnå le, gávna politijja næhttabielijnDav i dárbaha aktu dahkat, válde fárruj soabmásav gesi luohteda. Jus dujna l dokumentasjåvnnå, válde dav fárruj (duola dagu gåvå, video, jiednabátte, duodastus dálkudiddjes jali guládallamdiedo vihtanijda).
Subtsasta politijjaj dån la boahtám vassjekriminalitiehtav diededittjat. Vuostatjin gatjádi diedojt duv birra, åvddål duv gåhttju dárkkelit tjielggit mav sidá diededit.
Gå la subtsastam dan birra mij la dáhpáduvvam de politijja gatjádi váj sihkarassti riekta li dádjadam.
Politijja tjállá dav majt tjielggi, rappårttåj. Diededibme ij la gárves åvddål la rappårtå tjadá låhkåm, duoddistam ja duollistam jus lij mige, ja de vuollájtjállám.
Jus vuojnná soames sjaddá stráffudahtte dagov gierddat, jali juorrula juojddá stráffudahtte máhttá dáhpáduvvat, de máhtá aj politijjajda tsuojggistit. Politijjajda tsuojggistit ij la sæmmi dagu diededit (anmelde). Besa politijja næhttabielen tsuojggistit, ja dav máhtá dahkat namádis.
Ale val vuorde vásstádusáv tsuojggidussaj mav la sáddim. Jus tjálá guhtimusj dån la, de ihkap politijja dujsta ánot ienep diedojt ássje birra.
Majt máhtá politijjajs vuorddet?
Politijja galggá moattebelakvuoda birra máhttet, liehket rabás ja sebrudahtte, rievtugit ja vielediddje láhkáj guládallat, ja buorre relasjåvnåjt tsieggit juohkka lágásj viesajdiddjijda.
Galggá vuorddet politijja bargge åvdedi riektásihkarvuodav ja jasskavuodav. Politijja galggi juohkkahattjav duosstot avtaárvvusasj, rievtugis ja vielediddje láhkáj.
Mij dáhpáduvvá gå la diededam?
Gå diededimev li oadtjum de politijja árvustallá galggi gus ássjev åtsådit. Gå åtsådi de gæhttjali politijja ássjev nav buoragit gå vejulasj tjielgadit (gávnnat mij la dáhpáduvvam) ja guoradallat makkir duodastusá gávnnuji.
Gå politijja li ållim ássjev åtsådimes de ássje manná guoddalimoajválattjajda, gudi de mierredi galggá gus ássjev ierit biedjat jali galggá gus ássjev guoddalit (juogu de påtaleunnlatelse, forelegg jali tiltalebeslutning).
Viktig: Om en sak blir henlagt betyr ikke det at politi eller påtalemyndighet ikke tror på den som anmelder, eller mener at det ikke har skjedd noe straffbart. Strenge beviskrav kan gjøre at en sak blir henlagt.
Husk: Det er strenge krav til rettssikkerheten for å unngå at personer blir ilagt reaksjoner på et mangelfullt eller feilaktig grunnlag.
Gujddimus politijjaj bargo hárráj
Jus miejnni politijja li boasstot dahkam de besa sijájt gujddit.
Dat máhttá liehket buojkulvissaj gå politijja duv mielas li:
- vastet ulmutjahttám
- lágav mæddám dievnastusán
- boasstot dahkam gå stráffaássjev li åtsådam
Gujddimusá li ájnnasa váj máhttá boastovuodajt duollit ja váj politijja bessi oahppat ja barggamvuogijt rievddadit.