Mijjen bïjre

Maahta krïevije årrodh daejredh magkerh reaktah jïh nuepieh gie akt åtna, jis saemielaavsemem dååjroe.

Daam nedtesæjroem Saemiedigkie evtiedamme laavenjostosne Politidirektoraatine. Ulmie sæjrojne lea bïhkedidh guktie maahta saemielaavsemem reektedh jïh bïeljelidh.

Saemiedigkien bïjre

Saemiedigkie lea saemien åålmegen almetjeveeljeme parlameente Nöörjesne jïh lea jïjtjeraarehke almetjeveeljeme årgaane. Goh saemiej almetjeveeljeme årgaane Nöörjesne Saemiedigkien ulmie lea jååhkesjimmien åvteste barkedh saemiej maadthreaktijste goh våarome saemien kultuvrem, gïelem jïh siebriedahkejieledem jïh veasomem ovmessie saemien aerpievuekijste gorredidh jïh nænnoestidh.

Saemiedigkie edtja saemiej politihkeles sijjiem jïh saemiej ïedtjh Nöörjesne eevtjedh jïh meatan årrodh seammavyörtegs jïh rïektes gïetedimmien åvteste barkedh saemien åålmegistie.

Politidirektoraten bïjre

Politidirektoraate (POD) lea pollisen bijjemes ståvroe. POD lea Justijse- jïh riejriesvoetedepartemeenten nualan bïejesovveme. Politidirektoraaten åejvielaavenjasse lea faageles åvtehkinie årrodh , stuvreme, fulkesimmie jïh evtiedimmie pollisedajvijste. Dan sisnie aaj hoksedh pollisedajvh dam daerpies maahtoem utnieh sijjen årroejidie.

Politidirektoraate lea jïjtse dahkoesoejkesjem dorjeme: Mangfold, dialog og tillit: Handlingsplan for politiets arbeid (2022 – 2025) mij mïerhkesje man vihkele lea pollise maahtoem gellievoeten bïjre åtna, dan nuelesne saemien gïelh, kultuvre, histovrije jïh saemiej reaktah.

Gyhtjelassh jallh lahtestimmieh nedtesæjrose?

Seedth mijjese e-påastem: [email protected]

Måjhtelh dam åvtelen e-påastem seedth:

Gaajhkh aamhtesetjaatsegh Saemiedægkan jïh Saemiedigkeste leah byögkeles, dan guhkiem dah eah bïevnesh utnieh mah leah sjaevehtsvoetedïedten nualan bïejesovveme.
Mujhtieh ij sensitijve persovnebïevnesh e-påastene tjaeledh. Tjoerh dam påastesne seedtedh.
Gaajhkh aamhtesepåasth påastelæstose båetieh. Påastelæstoe byögkeles jïh gaskeviermesne gååvnese.
Måjhtijh dov prievie maahta ållermaehtemem åadtjodh jallh siteereme sjïdtedh medijinie.
Lohkh vielie vuejnemereaktan bïjre Saemiedigkien tjaatseginie.