Bagadus maid Sámediggi lea ráhkadan ovttas Politiijadirektoráhtain

Oktavuođas almmolašvuođain

Lea lossat vásihit sámecielaheami go lea oktavuođas almmolaš bálvalusaiguin. Earenomážit daningo don dárbbašat veahki sis. Dát sáhttá heajudit luohttámuša dasa ahte sii bohtet vuhtiiváldit du vuoigatvuođaid.
Illustrasjon som viser en samisk ungdom eller ung mann som ligger og stirrer opp i taket med øynene åpne.

Buohkain lea vuoigatvuohta ovttadássásaš almmolaš bálvalusaide

Duohtavuođa- ja seanadankommišuvdna čállá ahte leat ožžon ollu persovnnalaš muitalusaid das movt olbmuin meannudit go sápmelaš váldá oktavuođa almmolaš etáhtaiguin. Máŋggas leat vásihan ahte čoahkkimiin suohkaniiguin, fylkkaiguin, departemeanttaiguin ja álbmotválljen áirasiiguin dovdo váilu máhttu ja leat ovdagáttut sámevuođa vuostá.

Buohkain lea vuoigatvuohta ovttadássásaš almmolaš bálvalusaide. Dat mearkkaša ahte bálvalusat maid oaččut, galget leat heivehuvvon du dárbbuide. Dát sáhttá ovdamearkka dihte mearkkašit ahte dus lea riekti oažžut dieđuid sámegillii. Váilevaš láhčin sáhttá leat vealaheapmi. 

Almmolaš bargit eai galgga kommenteret sápmelašvuođa badjelgeahččamiin. Almmolaš doaimmain lea geatnegasvuohta aktiivvalaččat ovddidit dásseárvvu ja hehttet vealaheami. Dát siskkilda maiddái geatnegasvuođa hehttet loavkideami. 

Lea áibbas dábálaš reageret suhtuin, morrašiin dahje doaivvuhisvuođain. Dát guoská maiddái go cielaheapmi ii leat oaivvilduvvon dutnje, muhto eará olbmui dahje sápmelaččaide oppalaččat. Sáhttá leat buorre hupmat soapmásiin, ja ohcat veahki bissehit cielaheami.

Bildet viser en samisk kvinne som får hjelp ved en skranke

Cavgileamit maid sáhtát dahkat

Čohkket dieđuid

Skriv gjerne ned det som har skjedd, så snart som mulig. Har du bilder, e-poster, SMS-er, eller vitner som så så det som  skjedde, kan det være nyttig å samle denne informasjonen. 

Huma soapmásiin geasa luohtát

Lea dehálaš ahte it guotte lossa dovdduid okto, ja soaitá leat buorre hupmat soapmásiin geasa luohtát. Dat sáhttá ovdamearkka dihte leat soames bearašlahttu, olmmái, muhtun barggus dahje skuvllas. Gávdnojit maiddái máŋga bálvalusa mat sáhttet neavvut ja bagadit. Loga eambbo iešguđet fálaldagaid birra dás

Váldde oktavuođa Dásseárvo- ja vealahanáittardeddjiin

Dásseárvvo- ja vealahanáittardeaddji addá nuvttá rávvagiid ja bagadallama. Sii sáhttet gullat du ášši birra, addit dieđuid dan birra makkár vuoigatvuođat dus leat, ja rávvet maid don sáhtát dahkat viidáseappot. Dás sáhtát váldit oktavuođa singuin.

Muital etáhta jođiheddjiide gos vásihit sámecielaheami

Muital dan ossodaga jođiheddjiide gos vásihat sámecielaheami. Sii leat geatnegahtton bargat juoidá áššiin, jus sii ožžot diehtit dan birra. Sáhtát bivdit bagadusa Dásseárvvo- ja vealahanáittardeaddjis maid berret bargat. 

Jus don leat vásihan sámecielaheami go leat oktavuođas dearvvašvuođabálvalusain , de sáhtát bivdit veahki pasieanta- ja geavaheaddjiáittardeaddjis. Buot veahkki lea nuvttá, ja sis lea jávohisvuođageatnegasvuohta. 

Ale vástit ruovttoluotta persovdnafallehemiin, cielahemiin dahje áitagiiguin. Doalat iežat áššálažžan ja čujut duohtadieđuide. Muital ahte du mielas ii leat sámecielaheapmi dohkálaš.

Eanet cavgilemiid gávnnat, go manat siidui rasismeveileder.no

da_SADavvisámegillii
Hopp rett ned til innholdet