Soptsestallemefaalenassh
Saemielaavseme bååktjehke. Saemielaavseme maahta asvem, depresjovnem, dåeriesmoerh nahkarinie jïh konsentrasjovnetsagkesh vedtedh. Jis saemielaavsemem dååjreme dellie vihkele datne ih dååjresem oktegh guadtah. Maahtah fuelhkine jïh voelpigujmie soptsestidh, jallh faalenassem soptsestallemen bïjre nuhtjedh.
Maanah jïh noerh geerve åssjaldahkigujmie jallh domtesigujmie jïh naakenem daarpesjieh mejnie maehtieh soptsestidh, maehtieh SANKS:m, Sámi Klinihka gaskesadtedh.
Kors på halsen lea sijjie mejtie gaajhkesh vuelelen 18 jaepien båeries maehtieh ringkedh, e-påastem seedtedh jallh chattadidh dan bïjre maam vihkele dutnjien, vuesiehtimmien gaavhtan jis saemielaavsemem dååjreme. Dïenesje lea eevre anonyme.
Tjirkijh
Gellie tjirkijh gååvnesieh mah maehtieh datnem viehkiehtidh jis saemielaavsemem dååjrh. Tjirkije lea staateles etaate mij edtja viehkiehtidh vihties krööhkemh jïh ïedtjh seabradahkesne eevtjedh jïh lea jïjtjeraarehke dehtie jeatjah reeremistie.
Tjirkijh leah jïjtjeraarehke vierhtiealmetjh gïeh edtjieh maanaj jïh noeri reaktah geehtedh maanagiertesne jïh maadthskuvlesne, jïh learohki jïh lïerehtæjjaj reaktah jåarhkelïerehtimmesne. Dah maehtieh viehkiehtidh jis saemielaavsemem dååjrh, men maehtieh aaj viehkine årrodh barkosne mij edtja laavsemem heerredidh.
Mïrrestalleme- jïh sïerredimmietjirkije / Likestillings- og diskrimineringsombudet namhtah bïhkedimmiem vadta gaajhkesidie mah gyhtjelassh utnieh sïerredimmien jallh trïegkenassen bïjre. Jis sïjhth, maahtah anonyme årrodh gosse gaskem dejgujmie vaaltah. Dah maehtieh aaj bïhkedidh guktie maahtah Sïerredimmiemoenehtsasse laejhtedh.
Laejhtemeinstansh
Staatehaaltoje lea staaten tjirkije fylhkesne jïh diedtem åtna nænnoestimmieh, ulmieh jïh njoelkedassh tjirrehtidh Stoerredigkeste jïh reerenasseste. Gaajhkh learohkh reaktam utnieh akten jearsoe jïh hijven skuvlebyjresasse narrahtimmiej jallh irhkemen namhtah, aaj saemielaavseme. Jis datne goh learohkh ih jearsoe jïh hijven skuvlesne utnieh, skuvle edtja viehkiehtidh. Jis vïenhth skuvle ij nuekie darjoeh datnem viehkiehtidh, maahta Staatehaaltoejinie gaskesadtedh.
Sïerredimmiemoenehtse lea nööjtraale jïh jïjtjeraarehke orgaane mij aamhtesh gïetede mejtie almetjh dejtie laejhtieh sïerredimmien, trïegkenassen, seksuelle trïegkenassen jïh haadtoehtimmien bïjre. Sïerredimmiemoenehtse lea alternatijve rïektese jïh aamhtesh namhtah gïetede.
Jeatjah bïhkedimmiedïenesjh
Dov leah gyhtjelassh bïeljelimmien bïjre jïh daarpesjh naakeninie soptsestidh? Åadtjoeh viehkiem jïh bïhkedimmiem dåarjoejarngesne dejtie mah meadtoem dååjreme.
Pollisedajvh Trööndelagesne, Nordlaantesne, Romsesne jïh Finnmarhkesne fylhkh jïh tjïelth geptjieh mah saemien gïelen reeremedajvese govlesuvvieh. Dåarjoejarnge Finnmarhkesne noerhtesaemien gïelemaahtoem åtna.
Ung rettshjelp gir gratis rettshjelp til barn og unge under 25 år. Deres mål er å bidra til at flere barn og unge får sine grunnleggende rettigheter oppfylt. De kan gi juridisk bistand innen de fleste rettsområder, inkludert samehets.
Slettmeg.no lea namhtah raerie- jïh bïhkedimmiedïenesje mij maahta datnem viehkiehtidh gaajhkh bïevnesh dov bïjre skubpedh jïh guvvieh/videjovh datneste mah lea gaskevearman bïejesovveme.
Bïhkedæjja maam Likestillingssenteret KUN, OMOD jïh Egalia leah evtiedamme, jïh mij bïevnesh vadtah mej reaktaj bïjre fïereguhte åtna jïh giejnie maahta viehkien bïjre gaskesadtedh jis tjïertevidtjiem jïh sïerredimmiem dååjreme jallh vuajneme etnisiteeten, religijovnen jïh/jallh jieledevuajnoen gaavhtan.