Neahttajoavkku birra
Jus oainnát sámecielaheami neahtas, ja vuorjašuvat ahte dáhpáhuvvá láhkarihkkun, de sáhtát váldit oktavuođa politiija neahttajoavkkuin.
Politiija neahttajoavku lea oidnosis ja olámuttos sosiála mediain. Sii juhket dieđuid, váldet vuostá cavgilemiid, vástidit politiijafágalaš gažaldagaid ja doaimmahit neahtas politiijabarggu.
Cavgilit ii leat seamma go váidit. Don it sáhte addit váidima neahttajovkui. Loga eambbo váidima birra dás.
Juohke politiijaguovllus lea okta neahttajoavku. Don sáhtát čuovvut neahttajoavkku sosiála mediain, ja váldit oktavuođa Messengera ja Instagram bokte. Dábálaččat neahttajoavku vástida moatti diimmu geahčen, vejolaččat nuppi bargobeaivvi jus lea rahpanáiggi olggobealde.
Politiija neahttajoavku ii leat birrajándora bálvalus, jus dus leat hohpolaš áššit, de ferte riŋget politiijii 02800 dahje 112 (heahtedilálašvuođain).