Sámecielaheapmi borrá sielu
Sámediggepresideanta Silje Karine Muotka

Sámedikki doaibmaplána sámecielaheami vuostá
Mis lea buohkain ovddasvástádus vuosttildit go deaividit hárdimiin, muhto oktagaslašvuođa dáistaleami ii sáhte dušše ovttaskasolmmoš jođihit.
Danne mearridii Sámediggi ovttajienalaččat Doaibmaplána sámecielaheami vuostá jagis 2022. Doaibmaplána lea Sámediggedieđáhusa Sábme jállu doaibmabidju, ja sisttisdoallá 17 doaibmabiju maiguin Sámediggi galgá bargat jagi 2025 rádjai. Dat sisttisdoallá doaibmabijuid maid Sámediggi galgá čađahit, doaibmabijuid mat leat sorjavaččat ovttasbarggus ja doaibmabijuid mat leat sorjavaččat das ahte nationála eiseválddit váldet ovddasvástádusa.
Okta doaibmabijuin doaibmaplánas lea ahte Sámediggi galgá hábmet bagadusa movt raporteret ja váidit sámecielaheami. Sámediggi lea ovttasbargan Politiijadirektoráhtain duohtandahkat dán doaibmabiju, ja samehets.no lea boađus dán ovttasbarggus.
Doarjja eastadit givssideami ja sámeciealheami
Nubbi doaibmabidju Doaibmaplánas lea ahte Sámediggi galgá ásahit doarjjaortnega sámi sámecielaheami eastadeapmái. Ortnega ulbmil lea movttiidahttit organisašuvnnaid, joavkkuid ja servviid eastadit ja ovddidit oadjebas ja buori bajásšaddanbirrasa báikegottiin sámi mánáide ja nuoraide.
Nationála doaibmaplána sámecielaheami vuostá
Å forebygge og bekjempe rasisme og diskriminering er et nasjonalt ansvar. Derfor inneholder Sametingets handlingsplan mot samehets også et krav om at Regjeringen utarbeider en nasjonal handlingsplan mot samehets.
Ođđajagimánnu 2025:as ráđđehus almmuhii nationála doaibmaplána sápmelaččaid cielaheami ja vealaheami vuostá