Háliidat go veahkkin vuosttaldit cielaheami sápmelaččaid vuostá?
Hei! Oaččut dán e-poastta danne go mun sávan ahte don háliidat veahkkin eastadit sámiidcielaheami. Go juogadat dieđuid samehets.no birra iežat sosiála kanálain, iežat bargosajis dahje lagas birrasis, de veahkehat earáid gávdnat buriid rávvagiid ja veahki!
Samehets.no lea bagadussiidu man Sámediggi lea ráhkadan ovttas Politiijadirektoráhtain. Siiddus leat mávssolaš dieđut ja buorit rávvagat olbmuide geat leat gillán cielaheami sápmelašvuođa dihte, olbmuide geat oidnet earáid cielahuvvome – ja dieđusge muđui servodahkii.
Materiálaid maid sáhtášit juogadit
Siiddus gávdnojit:
- Filmmažat maid sáhttá juogadit sosiála mediain – sihke «storys» ja «feedas»
- Plakáhtat ja koarttat – maid sáhttá čálihit olggos dahje sáddet deaddileapmái
- Filmmat maid sáhttá čájehit diehtojuohkinšearpmain – ovdamearkka dihte skuvllain, girjerájuin dahje eará almmolaš ásahusain.
Mii ávžžuhit buohkaid geain lea vejolašvuohta veahkehit min juogadit dieđuid mat gávdnojit samehets.no-siiddus! Dan sáhtát dahkat juogo sosiála kanálain dahje nu ahte čálihat olggos plakáhta man heŋget oktasaš arenaide. Buot materiálat leat davvisámegillii, julevsámegillii ja dárogillii. Fargga maiddái lullisámegillii!
Ovttas mii bissehit cielaheami!
Giitu!
Inga Marie Nymo Riseth
Seniorráđđeaddi | Seniorrådgiver
Areála, luondu ja kollektiivva vuoigatvuođat
Areal, natur og kollektive rettigheter
Davvisámegillii 
Norsk bokmål